"ISIS KA MUKHTASIR TARUUF"

 Meri aik friend nay mujhay btaya kay ISIS kay jhanday or naaray ab karachi may bhi dekhay gaye hain.May is group say mukamal toar par nawaqif thi isliye socha kay is kay baray may maloomat se khud bhi agah hun or ap sab ko bhi agah karun.

Ek website kay mutabiq ISIS kay ek dehshadgard nay ye dawa kiya hay kay wo (na-uzu-billah) KABA ko khatam karden gain jab SAUDI ARABIA par hamla karengen kyun kay loag wahan ALLAH kay bajaye aik pathar ki ibadat kartay hain..ISIS kay ek or dehshadgard Abu Torab Al Moqaddasi apnay twitter account par likhte hain kay

                        "" loag Kaba jatay hain aik pathar ko choonay kay liye,na kay ALLAH kay liye,ALLAH ki qasam hum KABAY par hamla karengen (na-uzu-billah) or usay khatam karden gen kyun kay loag aik pathar ki ibadat kartay hain..""

Dolat e Islamia fi iraq-o-shaam(ISIS) aik jahadi groh ka naam hay jo Iraq or Shaam may sargaram hay.Ye tanzeem April2013 may Iraq may Alqaida say wajud may ai.Alqaida se alehda honay kay baad ye aik bara jahadi group ban kar samnay aya hay jo Shaam may sarkari faujon kay khilaaf barsar paikar hay aur Iraq may bhi sarkari faujon kay muqablay may paish qadmi karta ja raha hay.
 

Is ki asal afradi quwat kay baray may kuch nhi kaha jaskta lekin khayal kiya jata hay kay yeh hazaron jangjuwon par mushtamil hay jin may buhat say gair mulki jahadi bhi shamil hain.Nama nigaron kay mutabiq ye Alqaida ko pichay chor kar duniya ka sab say khatarnaak group banta ja raha hay.
Is tanzeem ki sarbarahi Abu Bakar Baghdadi kar rahay hain.In kay baray may abhi buhat kum maloomaat hain.Kaha jata hay kay wo Baghdad kay shumali ilaqay Saamra may 1971 may paida huwe or 2003 may american attack kay khilaaf shuru honay wali muzahmat may shamil huwe.
Is group nay qabil e zikar fauji kamyabian hasil ki hain.Is nay march 2013 may Shaam kay shehar par qabza kiya.January 2014 may is nay Iraq may Shia hukumat or Sunni abadi kay darmiyaan kasheedgi ka faida uthatay huwe Anbar kay subay may waqiye  Floja shehar ka control hasil krliya.Us nay subai dar-ul-hukumat Ramadi kay baray hissay par bhi qabza karliya or Shaam or turkey ki sarhad kay qareeb waqiye kai ilaqon may apna asar barha liya.

 

Ayman al-Zawahiri nay ISIS say kaha tha kay wo Shaam ko chor kar Iraq tak apni karwaiyan mehdood rakhen lekin baghdadi or us kay jangjuwon nay Alqaida kay sadar ki nafarmani kartay huwe Shaam may bhi karwaiyan jari rakhin.Shaam may rafta rafta dono groupon kay darmian ikhtilafaat may izafa hota chala gaya or baaghi grohon kay darmiyan bahmi laraiyan bhi hoti rahin.
Is baras july may maghrib kay himayat yaafta or islami groupon nay mil kar ISIS kay khilaaf yalgaar ki thi takay unhain Shaam say nikala jaskay.Is larai may hazaron afrad maray gaye thay..

 

Is jamaat kay baray ye bat mash-hoor hay kay ye logon ko goli nahi martay balkay zibah kardetay hain..or ye bat hum sab kay liye khatray ki alamat hay kyun kay hum us mulk may rehtay hain jahan kay basnay walay aisi tamam chizon ka istaqbaal dil khol kay kartay hain or unhon apni jaron may basa letay hain jesay hum nay taliban ko basaya hay.
ALLAH humay in or in jese tamam islam kay naam pay larnay walon say door rakhay or inko koi ye samjhaye kay islam kabhi talwar kay zor pay nahi phela..